ЧОКОЛАДЕН РОЛАТ СО ФИЛ ОД ТИКВА

Состојки

За ролат:

100 г Екстра бело брашно тип 400
25 г какао
1 лажичка прашок за печиво
1 лажичка сол
4 јајца
150 г шеќер
2 лажици млеко
1 лажичка екстракт од ванила

За фил:

200 г пире од тиква
120 г путер на собна температура
300 г шеќер во прав
1 лажичка цимет
неколку капки портокалова боја

За чоколадна глазура:

150 г чоколадо
6 лажици млеко
изматена слатка павлака за декорација.

12

50

Подготовка

Најпрво изматете ги јајцата заедно со шеќерот, а потоа додадете го млекото, ванилата и сувите состојки и се заедно измешајте. Смесата претурете ја во плех обложен со хартија за печење и печете ја кората околу 15 минути во загреана рерна на 170 степени. Тестото префрлете го на кујнска крпа наросена со шеќер во прав и превиткајте во ролат. Оставете да се излади за да може ролатот полесно да се витка. За филот: во сад со електричен миксер изматете ги заедно путерот, шеќерот во прав, циметот и пирето од тиква. Додадете и портокалова боја и убаво изматете. Филот нанесете го на изладената кора и повторно виткајте во ролат. Одозгора направете чоколадна глазура на тој начин што ќе ги растопите на пареа чоколадото и млекото. Оставете да се стегне и декорирајте со изматена слатка павлака.