Најпрво загрејте ја рерната на 180 степени. Во длабок сад измешајте ги заедно сувите состојки: брашното,мелниот ѓумбир, циметот, шеќерот, мускатнто оревче, каранфилче, прашокот за печиво, солта и содата. Во оваа смеса додадете го ладниот путер и матете со миксер додека не се добие смеса во форма на песок. Додадете ги јајцата, едно по едно матејќи помеѓу секое додавање. Додадете млеко, сок од портокал, екстракт од ванила и кора од портокал и на крајот исечканото кандирано овошје. Измешајте ја смесата со миксер додека се соедини, а потоа со помош на шпатула, распределете ја смесата во три округли тавчиња со механизам или пак печете ги една кора по една, така што смесата ќе ја распределите на три еднакви дела. Печете ја секоја кора околу 20-25 минути. Оставете комплетно да се изладат. За подготвка на филот: во длабок сад изматете го крем-сирењето, шеќерот во прав, циметот и слатката павлака додека не добиете густа смеса. Премачкајте ја тортата на секоја кора и одозгора од сите страни, оставете да се стегне околу 2 часа во ладилник и декорирајте со колачиња или пак со преостанатиот фил.
