ЧОКОЛАДНО СУФЛЕ

Премачкајте со путер два керамички сада за суфле и ставете по 2 лажици шеќер во секој од нив за да се залепи на путерот, а и да спречите суфлето да се залепи на садовите. Во длабок сад ставете го чоколадото и путерот и растопете го на пареа. Промешајте, оладете и додадете 1 жолчка и екстракт од ванила. Додадете го брашното и прстофат сол. Промешајте. Оставете ја оваа смеса на страна.Во длабок сад изматете ги белките заедно со шеќерот и алкохолниот оцет во цврст шлаг. Смесата со изматените белки, вмешувајте ја постепено во чоколадната смеса, така што ќе добиете воздушеста смеса за суфле. Наполнете ги керамичките садови сосема до врвот. Протапкајте ги од работната површина за да излезе воздухот и со помош на шпатула израмнете го целиот врв на керамичкиот сад. Со палецот направете вдлабнатина низ целата површина до самиот раб на керамичкиот сад, длабока 1/2 см. Печете ги во загреана рерна само 13-14 минути на 200 степени. Сервирајте веднаш!