ЗЕЛНИК

Ситно исечканиот праз се пржи на малку масло за да омекне и се остава да се излади. Му се додава урдата и јајцето и сè убаво се меша за да се добие хомогена смеса. Во длабок сад се замесуваат брашното, квасецот, водата и солта. Тестото се остава да нарасне 30 минути, а потоа се дели на два дела. Од едниот дел се вадат 3 еднакви парчиња кои се расукуваат во кори со големина на чинија. На првата кора се нанесуваат 2 лажици масло за јадење. Постапката се повторува и со останатите две кори, па се расукува во една голема кора. Се става во претходно подмачкан плех. Краевите се виткаат. Внатрешниот дел на кората се филува со претходно испржениот праз. Од вториот дел од тестото се расукува една потенка кора која се нанесува врз филот. Се формира нерамномерна површина. Вака подготвениот зелник се попрскува со масло за јадење и се пече во загреана рерна на 200°С околу 20 минути, а потоа се намалува на 180°С и се пече уште 10 минути.