ТОРТА СО ЈАГОДИ

Состојки

3 лажици Екстра Бело брашно тип 400
8 јајца
8 лажици шеќер
1 лажица масло за јадење
150 г сечкани ореви
100 г суво грозје
1 кесичка прашок за печиво

За фил:

500 мл слатка павлака
150 мл крем-сирење
50 г шеќер во прав
јагоди
100 г чоколадо за готвење

8-10

105

Подготовка

Јајцата и шеќерот се матат за да се добие пенеста смеса. Се додава маслото за јадење, мелените ореви и сувото грозје, промешани со брашното и прашокот за печиво. Сè убаво се меша со помош на шпатула. Смесата се става во кружен калап обложен со хартија за печење. Се пече 150°С околу 20 минути. Пандишпанот се остава да се излади, па се сече на два дела по хоризонтала. Крем-сирењето се мати заедно со слатката павлака и шеќерот во прав, додека да се добие цврста смеса. Се остава во ладилник околу 15 минути. Врз едната половина од пандишпанот се нанесува половина од растопеното чоколадо, се редат јагодите по целата површина, па се нанесува половина од филот и се премачкува со чоколадото и пак се премачкува со филот. Се декорира со шлаг-пена и со неколку јагоди. По страните се нанесуваат листови бадеми.