ШТРУДЛА СО ЧОКОЛАДО И ОРЕВИ

Состојки

За тесто:

500 г Екстра бело брашно тип 400
200 мл млеко
1 лажица шеќер
1/2 свеж квасец
3 лажици масло за јадење
3 жолчки
150 г шеќер во прав
1 лажичка екстракт од ванила

За фил:

100 мл млеко
100 г чоколадо за готвење
100 г шеќер
100 г ситно мелени ореви
2 лажици какао
белки за премачкување

10

150

Подготовка

Замесете тесто од сите состојки за тесто и оставете го да стаса околу 1 час на собна температура. Додека тестото стасува, подгответе го филот. Во тенџере на оган ставете го млекото и шеќерот да се растопат. Во жешката смеса додадете го чоколадото, какаото и постојано мешајте додека смесата не се подизлади. Додадете ги мелените ореви и какаото и промешајте. Расукајте го стасаното тесто на набрашнета работна површина во правоаголна форма. Премачкајте го тестото со филот и превиткајте го во ролат. Оставете го ролатот во тава за печење обложена со хартија и загрејте ја рерната на 180 степени. Премачкајте го ролатот со белка и печете околу 40 минути. Декорирајте со шеќер во прав.