ПОЛНЕТИ ЛАЗАЊИ

Од трите состојки за тесто - замесете го тестото. Обвиткајте го целото тесто во хартија за свежа храна и оставете да одмори околу 30 минути. Расукајте го тестото со сукало во долги ленти или со помош на машина за правење лазањи. Пресечете парчиња долги околу 15 см. Така пресечените парчиња варете ги во зовриена вода со сол. Кога ќе бидат готови, премачкајте ги со маслиново масло за да не се залепат. Во тава на оган загрејте го маслиновото масло. Додадете ја брокулата, сардините и чешнињата лук ситно исечкани. Промешувајте константно за смесата да не загори. Додадете ги кикириките што претходно ќе ги исечкате, неутралната павлака, пармезанот, кашкавалот и сечканиот магдонос. Гответе уште две до три минути и тргнете го филот од оган. Додадете сол и мелен црн пипер по вкус.Земете од пресечените парчиња лазања, нанесете од филот на едниот крај од тестото и со другиот крај поклопете за да добиете ефект на „сендвич“. Вака подготвените парчиња лазања со брокула ставете ги во тавче обложено со хартија. Врз секое парче полејте малку неутрална павлака и на загреана рерна од 200 степени печете околу 10 минути. Декорирајте со неколку кикирики.