ЊОКИ

Замесете тесто од сите овие состојки. Испасирајте ги компирите, додадете ги јајцата, солта и маслиновото масло. По потреба, додавајте го брашното треба да добиете меко тесто. Поделете го тестото на повеќе делови и сечете ги њоките по желба. Можете да ги пресечете како на сликата и со виљушка да ги притиснете за да имаат убав изглед. Извалкајте ги во брашно и ставете ги да се варат во зовриена вода со сол (околу 2,5 л вода) да околу 3-4 минути. Кога ќе испливаат на површината значи дека се готови. Во тава на оган загрејте го путерот и ставете ги њоките да се пропржат од двете страни по 2 минути додека не добијат убава кора на нивната површина. Подготовка на сосот: Во истата тава, каде што се пржеа њоките, загрејте маслиново масло и додадете го лукот да се пропржи само малку за да ги пушти своите ароми (околу 1 минута). Потоа додадете го доматниот сос и на тивок оган оставете да крчка околу 10-тина минути. Пред да биде готово, додадете уште една лажица маслиново масло и рендан пармезан. Промешајте и во него додадете ги њоките за да го апсорбираат сосот. Сервирајте во чинија со свеж или сув босилек.