МАДЛЕНИ

Со жица за матење, изматете ги јајцата, шеќерот и кората од портокал. Потребно е убаво да бидат изматени сите состојки, па затоа матете околу 2 минути. Во сад на страна, ставете ги брашното, прашокот за пециво и прстофат сол. Добро промешајте и додадете ги сите овие суви состојки во смесата со изматените јајца. Повторно матете со жицата за матење додека целата смеса не се соедини. На крајот, додадете го растопениот путер и повторно промешајте. Доколку немате тавче во облик на школки, нема потреба од паника! Нема да го добиете овој облик на овие колачиња, но смесата сама по себе е многу сунѓереста и вкусна. Ставете ја во каков било калап од вашите омилени колачиња, па дури и во мафини. Совет: потребно е смесата да ја оставите во ладилник околу 1 час за да отстои, особено доколку користите тавче во облик на школки. Печете на температура од 180 степени околу 10 минути. На крајот, наросете со шеќер во прав.