ЛИСНАТИ ПОЛЖАВИ

Брашното, водата и растопениот путер се мешаат за да се добие меко тесто кое се остава во ладилник 2-3 часа. Се мешаат брашното и путерот за да се добие тесто, кое се става помеѓу две хартии за печење за да се оформи квадрат. Се остава во ладилник 20 минути за да се стегне путерот. Првото тесто долгнавесто се расукува, а потоа и мрсното тесто во иста форма и должина. На работната прво се става мрсното тесто, па врз него првото тесто. Се преклопува 3 пати и се остава да одмори 1 час во ладилник. Од вака добиеното тесто се расукува долгнавеста кора која се преклопува на половина, па уште еднаш на половина. Се остава во ладилник 1 час. Постапката се повторува уште еднаш. Од добиеното лиснато тесто се формира долгнавеста кора со дебелина од 0,5 см. Кората се премачкува со доматниот сос и се редат парчињата шунка и кашкавал и се наросува со сечканите ф'стаци. Кората се витка во ролат од едната страна до половина, па од другата страна до средината. Со нож се сечат парчиња кои се редат во плех и се печат на 200°С, 15-20 минути.