КРОАСАНИ

Ставете го најпрво квасецот во водата. Во друг сад ставете ги брашното, шеќерот и солта и добро промешајте. Додадете ја смесата со квасецот и водата и 100 гр путер на собна температура. Месете додека не добиете убаво и меко тесто. Оставете го да нарасне околу 2 часа. Набрашнете ја работната површина и расукајте го тестото правоаголно, со должина од околу 40-50 см и превиткајте го како книга. Оставете го да стаса во фрижидер преку ноќ, завиткано во хартија за свежа храна или пак во најлонска ќеса. Утредента расукајте го повторно во истата должина од 40-50 см, па ставете го путерот на едниот крај и поклопете со тестото. Расукајте го тестото за да се распредели путерот низ целото тесто. (Оваа постапка треба да ви одземе околу 10 минути). Постапката повторете ја три пати, каде што тестото, меѓу секое расукување, ќе се одмора по 20 минути во ладилник. Расукајте правоаголна кора долга 50-60 см и исечете триаголници. Свиткајте во кроасани и оставете ги на тавче за печење да стасаат околу 2 часа на собна температура. Премачкајте со јајце пред печење. Печете 10 минути на 200 степени, а потоа намалете ја температурата на 190 и печете уште 12 минути или додека не добијат убава златнокафеава боја.