КРЕМАСТИ КОЛАЧИЊА

Во длабок сад промешајте ги заедно брашното, прашокот за печиво, шеќерот во прав, медот и омекнатиот путер. Замесете тесто, свиткајте го во хартија за печење и чувајте го во ладилник додека го подготвувате филот. Во тенџере на оган сварете ги заедно палентата и млекото (750 мл) и додадете шеќер (100 г). Промешајте, и кога палентата ќе биде сварена, покријте со хартија за свежа храна за да не фати кора. Во друго тенџере на оган, сварете ги двата пудинга во млекото (500 мл) заедно со шеќерот (5 лажици). Додадете лимон и ванила и промешајте. Кога пудингот ќе се свари, покријте со хартија за свежа храна за да не се формира кора. Кога двата фила (палентата и пудингот) ќе се изладат, промешајте ги посебно со миксер, а потоа соединете ги. Додадете го и путерот и повторно изматете. Филот е веќе готов. Оставете го во ладилник покриен со хартија за свежа храна за да не фати кора. Тестото поделете го на 4 еднакви дела и секој дел расукајте го во кора колку што ќе ви биде тепсијата во која ќе го печете (таа од рерната). Печете ги корите одделно по 7-10 минути на температура од 180 степени. Изладените кори ставете ги во високо тавче и филувајте со ¼ од филот, потоа нанесете од кората, па од филот, кора, па фил и уште еднаш кора и на крајот фил. На крај, покријте со чоколадна глазура (100 гр чоколадо растопено на пареа со 70 гр путер). Декорирајте со парче бадем.