ЕКЛЕРИ

Состојки

За еклерите:

150 г Екстра бело брашно тип 400
2 лажици шеќер
1 лажичка сол
1/2 пакетче прашок за печиво
120 мл вода
130 мл млеко
130 г путер
5 јајца на собна температура

За кремот:

1 1/2 ќесички инстант ванила пудинг
500 мл млеко
1 лажичка екстракт од ванила
3 жолчки
50 г путер
200 мл слатка павлака или 2 ќесички шлаг-пена

За чоколадната глазура:

100 г чоколадо за готвење
50 г путер

20

160

Подготовка

Најпрво подгответе го кремот за да може да се олади. Во тенџере на оган, ставете го млекото да се загрее, а настрана промешајте го пудингот од ванила, жолчките, екстрактот од ванила и малку од ладното млеко. Кога млекото ќе започне да врие, додадете ја смесата со пудингот и константно промешувајте. Тргнете го настрана и додадете го путерот, промешајте да се растопи и покријте со хартија за свежа храна за да не фати кора додека комплетно не се излади. Изматете ја слатката павлака или прашокот за шлаг и промешајте го во изладениоот пудинг. Оставете да се олади околу 1 час додека ги подготвите еклерите. За еклерите: Во тава на оган ставете ја водата, млекото, шеќерот и солта да зовријат. Додадете го брашното заедно со прашокот за печиво. Со дрвена лажица промешувајте и намалете ја температурата на средно. Треба да се оформи топка од тестото. Тргнете го настрана и додадете ги јајцата, промешувајќи помеѓу секое додавање. Вака подготвената смеса префрлете ја во готварски шприц со кружен отвор. Формирајте ги еклерите на хартија за печење обложена во тавче. Оформените еклери набрашнете ги со шеќер во прав пред да ги печете. Печете ги во загреана рерна на 230 степени 5 минути, а потоа намалете на 180 степени и печете уште 30 минути. Не отварајте ја рерната додека еклерите се печат. Оставете 15 минути да се изладат. Направете две или три дупчиња на секој еклер од долната страна и со помош на готварски шприц нанесете во секое дупче за да може филот рамномерно да се распредели. Растопете ја чоколадата заедно со путерот и секој еклер со предната страна потопете го во чоколадната глазура.

Чоколадни коцки со ванила-крем

За пандишпaн: 190 г Екстра бело брашно tип 400 9 јајца 250 г шеќер 2 лажички прашок за печиво 100 г какао 3 лажици масло за јадење. За фил: 800 мл млеко 3 пудинга од ванила 130 г шеќер 2 пакетчиња шеќер од ванила 180 г путер За глазура: 200 г чоколадо за готвење 5 […]

10-1260