ПИЦА – ВЕНЕЦ

Од брашното, квасецот, солта, шеќерот, млекото и јајцето се замесува меко тесто. Се остава 40 минути на собна температура. Тестото се размесува и се дели на два еднакви дела. Секој дел се расукува во кружна форма и се сече на осмини. Осмините од првата кора, се редат во кружна тава обложена со хартија за печење, правејќи круг во средината. Постапката се повторува и со осмините од втората кора, редејќи ја секоја осмина помеѓу претходно наредените од првата кора. Вака наредените кори се премачкуваат со доматен сос, а на почетокот на секоја осмина се реди куленот, шунката, сечканите печурки и ренданиот кашкавал. Врвовите се превиткуваат навнатре за да се прекрие филот. Погачата се премачкува со јајце и се посипува со сусам. Се остава 10 минути, па се пече околу 25 минути на 170°С.