ЛИСНАТИ ПЕЧИВА СО ВИШНА

Најпрво замесете тесто со брашното, киселата вода и прстофат сол. Расукајте правоаголна форма од тестото и премачкајте го со половина од путерот или маргаринот. Здиплете го тестото на тој начин што ќе оформите коцка и оставете го 20 минути во замрзнувач да се стегне. Повторно расукајте го тестото во правоаголна форма дебела 1 см. Нанесете ја другата половина од маргаринот или путерот и тестото повторно здиплете го во коцка. Оставете 20 минути во замрзнувач да одмори. За тоа време, промешајте ги состојките за филот (вишните, нишестето, шеќерот, ванилата и циметот). Расукајте го тестото и исечете парчиња во облик на срциња со помош на калап за колачи. Во средишниот дел на секое второ оформено срце пресечете со помало калапче кругче или мало срце. Ставете од филот во средишниот дел од срцето (оние парчиња кои немаат дупчиња). Поклопете со срце со веќе оформено дупче и притиснете ги краевите со виљушка. Вака подготвените лиснати срциња ставете ги во тавче обложено со хартија и печете ги околу 15-20 минути на 180 степени.