ПОГАЧА

Во длабок сад замесете тесо од брашното, млекото, шеќерот, солта, маслото за јадење и белките. Измесете меко и глатко тесто и оставете го да стаса околу 1 час на собна температура. Поделете го тестото на два дела (едниот дел да биде поголем 2/3 од тестото, а другиот 1/3). Од поголемиот дел измесете топка и ставете ја во средина од тавчето за печење. Другиот дел поделете го на 3 помали дела и од секој дел расукајте кора голема колку чинија. Секоја кора премачкајте ја со малку маргарин и редете ја една врз друга. На последната кора не се додава маргарин. Од трите кори расукајте една поголема и поделете ја на 8 еднакви дела. Секој дел засечете го на средина и врвот превиткајте го два пати во пресечениот дел. Секој оформен крак редете го околу погачата залепувајќи го со изматената жолчка и млеко. На крај, оставете да стаса околу 30 минути, премачкајте со жолчка и млеко промешани заедно и наросете сусам и афионово семе. Додадете парчиња маргарин и печете во загреана рерна од 180 степени околу 40 минути.