СЕРТИФИКАТИ

ЖИТО ЛУКС е докажана и реномирана компанија која има воспоставено и доследно го применува и го подобрува стандардот ISO 22000, усогласен со барањата за функционирање на делотворен систем за управување со безбедноста на храната (FSMS-food safety management system). Во себе го интегрира стандардот ISO 9001 и употребата на техниките за Анализата на опасности и Критични контролни точки (HACCP-Hazard analysis and critical control point) согласно Codex Alimentarius, правилата за добра работна и хигиенска пракса како и дефинираните предусловни програми (prerequisite programs, PRP) за безбедно производство на храна.

Во 2023 год. нашата компанија е успешно сертифицирана според меѓународниот IFS (International Featured Standard-Food), широко применет меѓународен стандард за проценка на усогласеноста на производите и процесите во однос на безбедноста и квалитетот на храната. ИФС сертификатот е доделен од страна на сертификационата куќа Quality Austria, една од водечките ревизорски и сертификациски тела. Со сертификација е опфатено целокупното производство на нашите производи: ста ндардни лебови, тост лебови, специјални врсти лебови, двопек и презла.

Сите стандарди за управување со процесот, следење на набавниот и производниот синџир, складирање и доставување на производите, редовно и навремено се надградуваат следејќи ги последните препораки и промени, наметнати од потребите за поголема безбедност на производите.

Стандардите се користат во сите алки во ланецот на храна, а пропишуваат барања со кои сите очекувани ризици и опасности по безбедноста на производите можат да бидат индентификувани, спречувани, контролирани и управувани. Предуслов за тоа се јасно дефинираните одговорности и надлежности на сите вработени со ефикасна интерактивна комуникација преку следење на набавниот и производниот синџир, складирање и доставување на производите, со цел да обезбедиме безбедни и квалитетни производи за нашите потрошувачи.

Примената на стандардите ни создаваат можности за значителна конкурентна предност, приоритетен пристап на меѓународните пазари, престижно ниво на професионален кредибилитет, истовремено демонстрирање ефективност и посветеност кон континуирано подобрување на целокупното работење. Управувањето со храната на начин кој е соодветен и безбеден за употреба, со цел задоволување и надминување на барањата на купувачите е императив за нашата компанија.

Во Лабораторијата Мелница Жито Лукс се извршуваат лабораториски тестирања на квалитетот на пченицата и брашната во согласност со примената на стандардот ISO 17025. Овој меѓународен стандард за акредитација воспоставува општи барања за компетентност, непристрасност и доследност во извршувањето на лабораторискате активности. Квалитетот на лабораториските услуги ги постигнуваме со квалификуван и обучен персонал и калибрирана опрема за тестирање со учество во меѓулабораториски споредби при што обезбедуваме оценка за лабораторискате тестирања, професионалност и компетентност. Овој стандард ги пропишува законите кои Лабораторијата мора да ги почитуваа за да докаже дека има воведено систем за квалитет, односно дека е компетентна и способна да даде технички валидни резултати. Остварувањето на високо ниво на задоволство на корисниците на нашите услуги и сите други заинтересирани страни, се поттикнува преку овој воспоставен систем за управување со квалитет, неговото преиспитување и постојано подобрување.