Подгответе го најпрво филот на тој начин што во длабок сад со миксер ќе ги изматите путерот, шеќерот во прав и млекото додека да добиете хомогена смеса. По желба додајте екстракт од ванила. За пандишпанот: во длабок сад измешајте ги заедно јајцата, маслото за јадење, белките и шеќерот. Додадете ја киселата павлака и екстрактот од ванила. Добро промешајте и додадете ги брашното промешано со циметот, солта и какаото. Добро промешајте ја целата смеса и додадете го пирето од тиква. Смесата поделете ја на три еднакви дела и секој дел печете го во округло тавче со механизам со пречник од 26 см во загреана рерна од 170 степени околу 20-тина минути. Оставете пандишпаните комплетно да се изладат и исфилувајте ја тортата со претходно подготвениот фил. Декорирајте ја со мелени ореви или пак со листови бадеми.