Најпрво од двете пакувања, извадете го филот од бисквитниот дел на сендвич-колачињата. Потоа во процесор за мелење, сомелете го бисквитниот дел и додадете го растопениот путер. Оформете подлога за торта во округло тавче со механизам бр. 26. Во длабок сад изматете го филот што претходно го извадивте од сендвич-колачињата, а потоа додајте ја слатката павлака, сирењето маскарпоне, шеќерот во прав, екстрактот од ванила и матете додека не добиете густ и цврст фил. Додадете го и растопеното и веќе изладено бело чоколадо. Добро промешајте и во смесата искршете ги преостанатите две кутии од сендвич-колачињата. Целата смеса добро промешајте ја и претурете ја врз подлогата во тавчето. Оставете да се стегне околу 3-4 часа во ладилник и на крајот декорирајте ја со изматена слатка павлака, неколку сендвич-колачиња и шарени мрвици за декорација на торти.