Во длабок сад промешајте ја смесата за точки: јајцето, шеќерот, брашното, путерот и црвената прехрамбена боја. Ставете ја смесата во готварски шприц и нанесете точки во тавче обложено со хартија. Вака подготвените точки заедно со тавчето ставете ги во замрзнувач да се стегнат околу 10-15 минути. За тоа време, подгответе ја смесата за ролат: во длабок зад изматете ги јајцата и шеќерот заедно. Потоа додадете го маслото, брашното и солта. Оваа смеса прелијте ја врз полузамрзнатите точки. Печете во загреана рерна од 180 степени околу 10-12 минути. На набрашнета хартија за печење со шеќер во прав, префрлете го пандишпанот. Повторно префрлете го така што точките ќе бидат од долната страна и свиткајте го во ролат заедно со хартијата за печење и оставете да се излади комплетно. Во длабок сад изматете го шлагот заедно со млекото и растопеното, но изладено чоколадо. Со овој фил премачкајте го изладениот ролат (одвиткајте го нежно). Потоа нанесете го врз филот и слаткото од вишни. Повторно виткајте во ролат, но внимателно за да не се скрши пандишпанот.