ЕСЕНСКА ТОРТА СО ЈАБОЛКА

Во длабок сад, изматете ги јајцата заедно со шеќерот. Кога волуменот ќе се зголеми, додадете го маслото и брашното. Добро промешајте и смесата префрлете ја во округло тавче со механизам (бр. 28) добро премачкано и обложено со хартија за печење. Печете во загреана рерна на 180 степени околу 15-20 минути. Во тенџере на оган, загрејте ја водата и ставете ги јаболката да зовријат заедно со шеќерот. Кога јаболката ќе вријат околу 10-15 минути, тргнете ги во сад и испасирајте ги со виљушка, додадете го шеќерот и желатинот растопен на пареа. Промешајте, и оваа смеса ставете ја како слој врз пандишпанот (кој веќе е комплетно изладен) во тавчето. Во истата вода во која се вареле јаболката додајте го шеќерот, а на страна изматете ги 3. пудинга со малку вода за да можете да ги растворите. Варете ги пудинзите додека не добиете густ и мазен крем. Тргнете настрана и пудингот префрлете го полека во тавчето врз слојот со пасирани јаболка. Оставете тортата комплетно да се излади во ладилник. Декорирајте со изматена слатка павлака, мелени ореви и сушени јаболка.