Во тенџере на оган загрејте ја водата, путерот, солта и кога смесата ќе започне да врие, додадете го брашното. Мешајте додека смесата не се соедини и додавајте ги јајцата едно по едно матејќи убаво помеѓу секое додавање (мешајте убаво за смесата да се соедини иако тоа така не изгледа). Ставете ја смесата во готварски шприц и нанесете ги еклерите во тавче обложено со хартија за печење. Посипете ги сите еклери со шеќер во прав и печете во загреана рерна од 220 степени околу 15 минути, Намалете на 180 и печејќи уште 20-25 минути додека комплетно не бидат испечени. За подготвка на филот: во блендер изблендирајте ги ф'стаците, крем-ликерот и зелената прехрамбена боја. Блендирајте додека не добиете густа смеса. Смесата оставете ја да отстои околу 20-тина минути во ладилник. Во сад со електричен миксер, изматете го крем-сирењето заедно со шеќерот во прав, додадете го растопеното бело чоколадо заедно со смесата со ф'стаци и убаво изматете. Додадете ја изматената шлаг-пена на неколку пати, промешувајќи помеѓу секое додавање. Филот е готов. Изладените еклери пресечете ги на половина, со помош на готварски шприц наполнете ги со филот и потопете ги во глазурата која ќе ја подготвите на тој начин што на пареа ќе ги загреете слатката павлака и белото чоколадо заедно со прехранбената црвена боја и ќе промешате. Сервирајте со чоколаден превлив по желба.