ЧОКОЛАДНА ТОРТА

Изматете ги белките заедно со шеќерот и ванилата. Потоа постепено кога ќе се добие цврст снег, додадете ги брашното и мелените ореви. Префрлете ја смесата во голема правоаголна тава обложена со хартија. Печете 15-20 минути на 180 степени. Отстранете ја хартијата за печење и поделете го пандишпанот на 3 еднакви дела и оставете комплетно да се излади. Во тенџере на оган загрејте го млекото, а во сад настрана, промешајте ги заедно жолчките, шеќерот, пудингот од чоколадо и румот. Кога млекото ќе започне да врие додајте ја чоколадната смеса во тенџерето и мешајте со жица за матење додека не се згусне. Целата смеса поминете ја низ мрежна цедалка и покријте со хартија за свежа храна за да не се формира кора. Кога филот комплетно ќе биде изладен, изматете го со миксер, а потоа додадете го и омекнатиот путер и матете додека смесата комплетно не се соедини. Во друг сад со мискер изматете ги заедно кесичките за шлаг-пена, млекото, какаото, екстрактот од ванила и шеќерот во прав. Матете додека не добиете густ фил. Филувајте ја тортата така што на првиот пандишпан ќе ставите од првиот чоколаден фил со путер, потоа наросете ореви, па од вториот фил. Наредете го вториот пандишпан, црниот фил, наросете ореви и светлиот фил. Последната кора нанесете ја врз светлиот фил и декорирајте ја целата торта со црниот фил. Декорирајте и со малку од светлиот фил, нанесете слатко од цреши и мелени ореви.