Бел двопек

Начин на подготовка

Двопекот се дроби со сукало, се меша со чоколадниот прелив и се става во калап за торта. Во исцеденото сирење се додаваат 3 лажици шеќер во прав, 3 лажици вода и 1 ванилин шеќер. Сето тоа добро се меша и се премачкува врз двопекот. Потоа се посипува со претходно сечканите и пропржени лешници. Павлаката за шлаг се меша со 1 ванилин шеќер, се мати и се размачкува на тортата. Вишните добро се исцедуваат (се сочувува исцедениот сок) и се реди врз шлагот со павлака. Двете ќесички прелив за торта се мешаат со студената вода и се додава сокот од вишни. Смесата потоа се става во тенџере да проврие. Откако ќе се олади се прелива врз вишните. Тортата се става неколку часа во фрижидер да се олади. Пред послужување, се вади калапот за торта и се украсува по желба.

bel_pchenichen_dvopek

Состојки

  • 12 парчиња двопек
  • 200 g чоколаден прелив
  • 200 g свежо кравјо несолено сирење
  • 545 ml вода, 25 g шеќер во прав
  • 2 ќесички ванилин шеќер
  • 200 g павлака за шлаг
  • 700 g компот од вишни
  • 20 g безбоен прелив за торти, 100 g лешници